ხორვატიაში საპრეზიდენტო არჩევნების მეორე ტური იმართება. საარჩევნო უბნები ადგილობრივი დროით 07:00 საათზე გაიხსნა და 19:00 საათაზე დაიხურება. ინფორმაციას „დოიჩე ველე“ ადგილობრივ მედიაზე დაყრდნობით ავრცელებს.

მათივე ინფორმაციით, წინასწარი შედეგები საარჩევნო უბნების დახურვიდან ერთ საათში გახდება ცნობილი. ხმის მიცემის უფლება 3 769 598 მოქალაქეს აქვს. საარჩევნო უბნები გახსნილია ხორვატიაში და ასევე მის ფარგლებს გარეთ 38 ქვეყანაში. არჩევნებს 14 620 დამკვირვებელი დააკვირდება.

არჩევნების მეორე ტურში ერთმანეთს ორი კანდიდატი - მოქმედი პრეზიდენტი ზორან მილანოვიჩი და მისი კონკურენტი დრაგან პრიმორაკი უპირისპირდებიან. არჩევნების პირველი ტური 29 დეკემბერს გაიმართა, ზორან მილანოვიჩს გამარჯვებისთვის ამომრჩევლების ხმების 1%-ი დააკლდა, მან ხმათა 49,2%-ი მიიღო. დრაგან პრიმორაკს კი, ამომრჩეველთა 19,4%-მა დაუჭირა მხარი.