აჭარის მთავრობის სახლთან მყოფი აქციის მონაწილეები, სოლიდარობის ნიშნად აქცია-მსვლელობით წინასწარი დაკავების იზოლატორთან მიემართებიან, სადაც აქციის დროს დაკავებულები არიან გადაყვანილი.

ისმის შეძახილები “თავისუფლება რეჟიმის პატიმრებს”.

“ბრძოლას არ შევწყვეტთ, ყველა რომ დაგვაკაონ. ჩვენი ქვეყნის მომავალი მხოლოდ ევროპაშია და არ დავუშვებთ თავისუფალი ადამიანების ციხეში გამოკეტვას”, - აღნიშნავენ ისინი.

აჭარის პოლიციის დეპარტამენტის, ბათუმის საქალაქო სამმართველოს უფროსის ირაკლი დგებუაძის ინფორმაციით, ბათუმში, მთავრობის სახლთან მიმდინარე აქციაზე დაკავებულია რვა პირი. მისივე განცხადებით, ყველა მათგანი ადმინისტრაციული წესით - 166-ე და 173 მუხლებით გათვალისწინებული დანაშაულისთვის არის დაკავებული. დაკავებულთა შორის არიან ოპოზიციონერები - ელენე ხოშტარია და გიორგი კირთაძე.