წინასწარი მონაცემებით, ხორვატიის საპრეზიდენტო არჩევნების მეორე ტურში მოქმედი პრეზიდენტი ზორან მილანოვიჩი ლიდერობს, - ინფორმაციას Reuters-ი ხორვატიის სახელმწიფო საარჩევნო კომისიაზე დაყრდნობით ავრცელებს.

მათივე ინფორმაციით, ამ დროისთვის ამომრჩევლების ხმები დათვლილია საარჩევნო უბნების 98,65%-ზე.

წინასწარი მონაცემებით, ოპოზიციური „სოციალ-დემოკრატიული პარტიის“ წევრი, მილანოვიჩი ხმების 74,58%-ით ლიდერობს, მისმა ოპონენტმა, მმართველი „ხორვატიის დემოკრატიული კავშირის“ წევრმა, დრაგან პრიმორაცმა კი ხმების 25,42% მოიპოვა.

შეგახსენებთ, ხორვატიაში საპრეზიდენტო არჩევნების მეორე ტური გუშინ გაიმართა. არჩევნებში ამომრჩეველთა აქტივობამ 44,15% შეადგინა.