პარასკევს კიევში ჩამოდი, - ასე ეხმაურება უკრაინის პრეზიდენტი, ვოლოდიმირ ზელენსკი შეხვედრის გამართვის შესახებ სლოვაკეთის პრემიერ-მინისტრის, რობერტ ფიცოს მოწოდებას.

„კარგი. პარასკევს კიევში ჩამოდი“, - წერს ვოლოდიმირ ზელენსკი X-ის საკუთარ გვერდზე.

ცნობისთვის, დღეს სლოვაკეთის პრემიერ-მინისტრმა, რობერტ ფიცომ ვოლოდიმირ ზელენსკის უკრაინის გავლით რუსული გაზის ტრანზიტის შეჩერების საკითხზე მოლაპარაკებების მიზნით შეხვედრის გამართვისკენ მოუწოდა. რობერტ ფიცომ უკრაინის პრეზიდენტს შეხვედრა სლოვაკეთის ტერიტორიაზე, უკრაინის საზღვართან ახლოს შესთავაზა.