„კოალიცია ცვლილებისთვის“ ერთ-ერთი ლიდერის ზურაბ ჯაფარიძის ინფორმაციით, აბუ-დაბიში დაკავებული არიან „ქართული ოცნების“ დეპუტატები ირაკლი ზარქუა და ვიქტორ სანიკიძე.

როგორც ჯაფარიძე სოციალურ ქსელში წერს, სასამართლო პროცესი ხვალ გაიმართება.

„მითხრეს, რომ ზარქუა და სანიკიძე დაკავებული არიან აბუ-დაბიში, ხვალ ექნებათ სასამართლო. (მგონი ის მესამეც, ეგ ზუსტად არ ვიცი)“, - წერს ჯაფარიძე.

"ინტერპრესნიუსი" ინფორმაციის გადამოწმების მიზნით დაუკავშირდა "ქართული ოცნების" პრესსამსახურს, სადაც განაცხადეს, რომ ინფორმაცია არ აქვთ. საქართველოს პარლამენტის საზოგადოებასთან ურთიერთობისა და ინფორმაციის დეპარტამენტის უფროსმა კი განაცხადა: "მეცოდინებოდა აუცილებლად, ასე რომ, არა".