უკრაინის პრეზიდენტი ვოლოდიმირ ზელენსკი პოლონეთში ჩავიდა, - ამის შესახებ ინფორმაციას უკრაინული მედია ქვეყნის პრეზიდენტის პრესსპიკერზე, სერგეი ნიკიფოროვზე დაყრდნობით ავრცელებს.

უკრაინის პრეზიდენტის პრესსპიკერის ცნობით, ვოლოდიმირ ზელენსკი პოლონეთის პრემიერ-მინისტრთან, დონალდ ტუსკთან მოლაპარაკებებს გამართავს.

ამასთან, ვარშავაში ვიზიტის ფარგლებში უკრაინის პრეზიდენტი პოლონელ კოლეგას, ანჯეი დუდას შეხვდება.