ადვოკატებს არ გვეძლევა შესაძლებლობა დავიცვათ აქციებზე დაკავებულების ინტერესები, რადგანაც სასამართლო არის პოლიტიზებული და მიკერძოებული - ჩვენ ვიბრძვით მათი უფლებების დაცვისთვის, - ამის შესახებ ადვოკატმა, ბექა ხოხობაშვილმა პარლამენტის წინ გამართულ ბრიფინგზე განაცხადა.

მისი თქმით, ადვოკატები სოლიდარობას უცხადებენ რეჟიმის ტყვეებს, რომლებიც საქართველოს თავისუფლებისათვის ციხის კედლებიდან იბრძვიან.

„ჩვენ, ადვოკატები ყოველდღიურ რეჟიმში ვიცავთ აქციებზე დაკავებული პირების ინტერესებს, როგორც ადმინისტრაციულის, ისე სისხლის სამართლის მიმართულებით. ადვოკატებს არ გვეძლევა შესაძლებლობა დავიცვათ მათი ინტერესები, რადგანაც სასამართლო არის პოლიტიზებული და მიკერძოებული. ჩვენ ვიბრძვით მათი უფლებების დაცვისთვის. გვჭირდება საზოგადოების მხარდაჭერა, რომელიც ყოველდღიურად იგრძნობა. ადვოკატები სოლიდარობას ვუცხადებთ, ასევე, სტუდენტებს, რომლებიც ყოველდღიურად იბრძვიან საქართველოს თავისუფლებისთვის და სოლიდარობას ვუცხადებთ რეჟიმის ტყვეებს, რომლებიც საქართველოს თავისუფლებისათვის ციხის კედლებიდან იბრძვიან“, - განაცხადა ადვოკატმა.