გორში, რკინიგზის სადგურზე გაჩენილ ხანძარს ერთი ადამიანის სიცოცხლე ემსხვერპლა.

არსებული ინფორმაციით, ცეცხლი რკინიგზის სადგურის შენობაში გაჩნდა.

როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 187-ე მუხლის მესამე ნაწილით დაიწყო, რაც ნივთის დაზიანებას ან განადგურებას გულისხმობს, რამაც ადამიანის სიცოცხლის მოსპობა გამოიწვია.