ბათუმის შოთა რუსთაველის სახელობის უნივერსიტეტის შენობაში, სადაც რექტორის არჩევნები უნდა გაიმართოს, ხმაურია. სტუდენტთა ნაწილი აკადემიური საბჭოს სხდომაზე, სადაც რექტორი უნდა აირჩიონ, შესვლას ცდილობს. კარები ჩაკეტილია, რის გამოც სტუდენტები პროტესტს კარებზე ხმაურით გამოხატავენ.

„შემოგვიშვით. „ცეცხლი ოლიგარქიას“, - ისმის შეძახილები.

ბათუმის შოთა რუსთაველის სახელობის სახელმწიფო უნივერსიტეტის რექტორის არჩევნები დღეს, 14:00 საათზე გაიმართება.

რექტორობის კანდიდატები არიან: აჭარის უმაღლეს საბჭოში „ქართული ოცნების” წევრი ტიტე აროშიძე, ხოლო მეორე კანდიდატი ასოციაცია „ფლორა და ფაუნას“ გამგეობის თავმჯდომარე არჩილ გუჩმანიძე.