ბრიუსელის ბიუროკრატების მიერ შემუშავებულმა სანქციებმა მიაღწია ერთს: გაანადგურა ევროპის ეკონომიკის კონკურენტუნარიანობა. ცვლილებების დრო დადგა! - ამის შესახებ უნგრეთის პრემიერ-მინისტრი, ვიქტორ ორბანი სოციალურ პლატფორმა X-ზე წერს.

მისი მტკიცებით, რუსეთის წინააღმდეგ დაწესებულ სანქციებს არანაირი დადებითი შედეგი არ მოჰყოლია.

„სანქციებზე საუბრის დროა. დაასრულეს ომი? - არა, დაახეიბრეს რუსეთის ეკონომიკა? - არა, მოახერხა თუ არა ევროპამ რუსული ენერგორესურსების ჩანაცვლება სხვა ხელმისაწვდომი წყაროებით? - არა. ბრიუსელის ბიუროკრატების მიერ შემუშავებულმა სანქციებმა მიაღწია ერთს: გაანადგურა ევროპის ეკონომიკის კონკურენტუნარიანობა. ცვლილებების დრო დადგა!“- წერს ორბანი.