ვოლოდიმირ ზელენსკი - უკრაინაში ომის დასრულების საკითხი ტრამპისთვის უნდა იყოს გამარჯვება და არა პუტინისთვის

უკრაინაში ომის დასრულების საკითხი ტრამპისთვის უნდა იყოს გამარჯვება და არა პუტინისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ Bloomberg TV-სთან ინტერვიუში განაცხადა.

„პრეზიდენტმა ტრამპმა არჩევნებში ძლიერი გამარჯვება მოიპოვა და ახლა საშინაო პოლიტიკასთან დაკავშირებულ ნაბიჯებს დგამს. უკრაინაში ომის დასრულების საკითხი, ვფიქრობ, ტრამპისთვის გამარჯვება უნდა იყოს და არა პუტინისთვის. პუტინი მისთვის არაფერია. ამერიკა უფრო ძლიერია, ვიდრე რუსეთი, ევროპა უფრო ძლიერია, ჩინეთი უფრო ძლიერია“, - განაცხადა ვოლოდიმირ ზელენსკიმ.

მისი თქმით, რუსეთთან ომის დასრულების მიზნით მოლაპარაკებების დაწყებამდე ერთობლივი სამოქმედო გეგმა უნდა შემუშავდეს.

„ვფიქრობ, ყველა ჩვენგანისთვის, ვისაც ომის ნამდვილად და სწრაფად დასრულება სურს, მიზანშეწონილია, რომ პუტინთან კომუნიკაციის დაწყებამდე გეგმა გვქონდეს. მიმაჩნია, რომ ეს აშშ-ის, ევროკავშირისა და მთლიანად ევროპის ინტერესებშია. ასევე, ეს უკრაინისა და ჩვენი ხალხის ინტერესებშია“, - აღნიშნა უკრაინის პრეზიდენტმა.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 17.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს