„თავისუფლება რეჟიმის პატიმრებს“ - ამ მოთხოვნით ბათუმში, ჟურნალისტები და სამოქალაქო აქტივისტები ქუჩებში მარშს აწყობენ.

აღნიშნულის გამო მელიქიშვილისა და გორგილაძის ქუჩების კვეთაზე მოძრაობა პარალიზებულია.

აქციის მონაწილეების განცხადებით, მშვიდობიანი პროტესტით ითხოვენ დაკავებულთა გათავისუფლებას.

„რეჟიმის პატიმრები უკანონოდ არიან დაკავებულები. ვითხოვთ მათ გათავისუფლებას. მზია ამაღლობელი ივანიშვილის პატიმარია. ადამიანები იბრძვიან ევროპული მომავლისთვის”,- აცხადებენ მარშის მონაწილეები.