მარში სახელწოდებით: „მსვლელობა პოლიციური რეჟიმის წინააღმდეგ“ დასრულდა

მარში სახელწოდებით: „მსვლელობა პოლიციური რეჟიმის წინააღმდეგ“ დასრულდა.

მსვლელობის მონაწილეები ნოემბერ-დეკემბერში მიმდინარე აქციის დროს დაკავებული პირების გათავისუფლებას ითხოვენ.

მსვლელობა მეტროსადგურ „დიდუბიდან“ დაიწყო და წერეთლის ქუჩაზე მდებარე პოლიციის შენობასთან დასრულდა.

პოლიციის შენობასთან ისმოდა შეძახილები: “თავისუფლება რეჟიმის ტყვეებს”, „გაათავისუფლეთ ხალხისთვის დაჭერილები”, “ცეცხლი ოლიგარქიას”.

როგორც მათ პოლიციის შენობასთან აღნიშნეს, “თავისუფლებისთვის მებრძოლი პირები უკანონოდ არიან დაკავებულები”.

მსვლელობის მონაწილეებს თან ჰქონდათ პლაკატები წარწერით: “უსამართლო სასამართლო”, “ხალხის ძალის გეშინოდეს”, “გაათავისუფლეთ ხალხისთვის დაჭერილები”.