სამწუხაროდ, საქართველოს ხელისუფლება პატივს არ სცემს ხალხის ნებას, რასაც ვხედავთ ევროპული მომავლის, თბილისის ქუჩებში მიმდინარე დემონსტრაციების კუთხით, - ამის შესახებ ლატვიის საგარეო საქმეთა მინისტრმა, ბაიბა ბრაჟემ ბრიუსელში, საგარეო საქმეთა საბჭოს შეხვედრის დაწყებამდე ჟურნალისტებს განუცხადა.

„ევროკავშირის მხრიდან ჩვენ განვახორციელეთ გარკვეული ქმედებები, მათ შორის მთავრობის ოფიციალური პირებისთვის სავიზო რეჟიმის არსებითი შეცვლა, ისინი ვერ იმოგზაურებენ დიპლომატიური პასპორტებით ევროკავშირში უვიზოდ. ამრიგად, ეს არის ძალიან მიზანმიმართული ქმედება, ევროკავშირმა განაცხადა, რომ მისი მხარდაჭერა არ იქნება მიმართული მთავრობასთან დაკავშირებულ არცერთ საქმიანობასა და უწყებასთან. სამწუხაროდ, ისინი პატივს არ სცემენ ხალხის ნებას, რასაც ვხედავთ ევროპული მომავლის, თბილისის ქუჩებში მიმდინარე დემონსტრაციების კუთხით“, - აღნიშნა ბაიბა ბრაჟემ.

მისი თქმით, ლატვიამ გარკვეული რაოდენობის თანამდებობის პირებს, მათ, ვინც მშვიდობიან საპროტესტო აქციების ჩახშობაშია ჩართული და თავს ესხმის ჟურნალისტებს, ქვეყნის ტერიტორიაზე შესვლა აუკრძალა.

„ასე რომ, არის ზეწოლა, მაგრამ ასევე არის ღია კარი ევროპული მომავლისთვის, თუკი ხალხის ნებას პატივს სცემენ“, - აღნიშნა ლატვიის საგარეო უწყების ხელმძღვანელმა.