იულიან ბულაი - რაც საქართველოში საპარლამენტო არჩევნების შემდეგ მოხდა, არჩევნების ლეგიტიმურობას კითხვის ნიშნის ქვეშ აყენებს - მსურს ორი მოწოდება გავაკეთო: ერთ-ერთია 53 პოლიტპატიმრის გათავისუფლება, ერთი მათგანი, ჟურნალისტი 16 დღეა შიმშილობს
ყველაფერი რაც საქართველოში საპარლამენტო არჩევნების შემდეგ მოხდა ამ არჩევნების ლეგიტიმურობას კითხვის ნიშნის ქვეშ აყენებს, - ამის შესახებ PACE-ის დელეგაციის ხელმძღვანელმა იულიან ბულაიმ სტრასბურგში, ევროპის საბჭოს საპარლამენტო ასამბლეის ზამთრის სესიაზე განაცხადა.
„საქართველოში არჩევნების შემდგომი მდგომარეობა შემაშფოთებელია. ქვეყანა ავტოკრატიისკენ მიდის, არჩევნების შემდეგ ვითარება არ უმჯობესდება. მსურს ეს შესაძლებლობა გამოვიყენო და ორი მოწოდება გავაკეთო: პირველი, 53 პოლიტპატიმრის გათავისუფლებაა. ერთი მათგანი, ჟურნალისტი კი 16 დღეა შიმშილობს. მეორე, ყველაფერი რაც არჩევნების შემდეგ მოხდა ამ არჩევნების ლეგიტიმურობას კითხვის ნიშნის ქვეშ აყენებს და საშუალებას აძლევს ამ ასამბლეას, რომ საქართველოს ხელისუფლებას, ყველა ძალასთან დიალოგში, ახალი არჩევნებისთვის მუშაობისკენ მოუწოდოს, რათა ხელისუფლებას მმართველობისთვის უფრო მეტი ლეგიტიმაცია ჰქონდეს და პარლამენტმა ფუნქციონირება შეძლოს. ასევე, დეპუტატები, როგორც ოპოზიციის, ისე ხელისუფლების აქ წარმოდგენილები იყვნენ“, - განაცხადა იულიან ბულაიმ.
v-if="article.gallery" v-html="article.gallery"
