ევროპის საბჭოს წევრი - საქართველოს ოფიციალურ პირებს მოვუწოდე, დაუყოვნებლივ დაიწყონ ინკლუზიური პროცესი დემოკრატიული არჩევნების ჩასატარებლად, რომელიც მომდევნო თვეებში უნდა გამოცხადდეს

ინკლუზიური პროცესით უნდა შექმნას დემოკრატიული არჩევნების ჩატარების საშუალება, რომელიც მომდევნო თვეებში უნდა გამოცხადდეს, - ამის შესახებ ევროპის საბჭოს წევრმა, ზანდა კალნინა-ლუკაშევიცამ განაცხადა, რომელმაც, როგორც მონიტორინგის კომისიის წევრმა, 28 იანვარს საქართველოს დელეგაციის მანდატების აღიარება-არაღიარების საკითხზე ანგარიში მოამზადა.

„მისი წინასაარჩევნო დაპირებების მიუხედავად, მმართველი უმრავლესობის მიერ ევროკავშირში გაწევრიანების პროცესის შეჩერებამ და შეკრების უფლების საწინააღმდეგოდ დემონსტრანტების წინააღმდეგ სასტიკი ძალის გამოყენებამ და ოპოზიციისა და სამოქალაქო საზოგადოების წინააღმდეგ რეპრესიებმა ღრმა სოციალური კრიზისი და ქვეყანაში პოლიტიკური ინსტიტუტებისადმი ნდობისა და ლეგიტიმურობის არარსებობა გამოიწვია…

დემოკრატიულ საზოგადოებაში, რომელიც ასეთი ღრმა სოციალური კრიზისის წინაშე დგას, როდესაც მმართველებსა და საზოგადოებას შორის სოციალური კონტრაქტი გატეხილია, ადეკვატური პასუხი არის საკითხის მოქალაქეებისთვის გადაცემა ახალი დემოკრატიული არჩევნების გზით. თუმცა ნათელია, რომ წინა არჩევნების პირობებში ჩატარებული [ახალი] არჩევნები, ასამბლეის საარჩევნო დაკვირვების ანგარიშში ასახული მნიშვნელოვანი ნაკლოვანებებისა და დარღვევების გამოძიების გარეშე, ვერ მიგვიყვანს დემოკრატიულ არჩევნებამდე და ვერ მოაგვარებს სოციალურ კრიზისს.

შესაბამისად, ოფიციალურ პირებს მოვუწოდე, დაუყოვნებლივ დაიწყონ ინკლუზიური პროცესი, რომელიც ყველა ჩართული მხარეს, სოციალურ აქტორსა და სამოქალაქო საზოგადოებას მოიცავს, რათა პასუხი გაეცეს ამ ნაკლოვანებებსა და დარღვევებს, და შეიქმნას საარჩევნო გარემო, რომელიც ახალი დემოკრატიული არჩევნების ჩატარების საშუალებას შექმნის, რომელიც მომდევნო თვეებში უნდა გამოცხადდეს“, - განაცხადა კალნინა-ლუკაშევიცამ.

გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
ქართული პრესის მიმოხილვა 10.02.2025
ფარხატ მამედოვი - ჯერჯერობით იმის თქმა შეიძლება, რომ ტრამპის ადმინისტრაციას სამხრეთ კავკასიის მიმართ თავისი ინტერესები, მიზნები და ამოცანები არ განუსაზღვრავს
PSP-ში 50%-მდე ფასდაკლება დაიწყო მსოფლიოს ცნობილი სილამაზის და თავის მოვლის ბრენდების პროდუქციაზე
„რატომაც ვანდობთ ამ სკოლას ჩვენთვის უძვირფასესს - შვილებს, ნათია ჯანაშიამ შექმნა“ – მშობლები ბრიტანულ–ქართული აკადემიის დირექტორს მხარს უჭერენ
Bist-ის თანამშრომლების განცხადება
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა