ახალციხეში, "სმარტის" სუპერმარკეტში აფეთქება მოხდა.

როგორც საგანგებო სიტუაციების მართვის სამსახურში "ინტერპრესნიუსს" განუცხადეს, აფეთქება შენობის მეორე სართულზე მოხდა. უწყებაში აცხადებენ, რომ შემთხვევის შედეგად არავინ დაშავებულა.

ადგილზე სამართალდამცველები და სახანძო-სამაშველო სამსახურის წარმომადგენლები მუშაობენ. ტერიტორია ყვითელი ლენტით არის შემოსაზღვრული.

ჯერჯერობით უცნობია, რამ გამოიწვია აფეთქება.

დამატებით დეტალებს "ინტერპრესნიუსი" შსს-ში არკვევს.