დაჯგუფება „ჰამასმა“ ისრაელს იმ სამი მძევლის სია გადასცა, რომლის გათავისუფლება ხვალ იგეგმება, - ინფორმაციას The Times of Israel-ი ავრცელებს.

ისრაელის პრემიერის ოფისში აცხადებენ, რომ სიას მას შემდეგ გაასაჯაროებენ, რაც ოჯახებს ინფორმაციას მიაწვდიან.

ამასთან, Reuters-ის ინფორმაციით, „ჰამასის“ შეიარაღებული ფრთის წარმომადგენელმა, აბუ ობეიდამ „ტელეგრამ“ არხზე დაწერა, რომ ხვალ ოფერ კალდერონის, კიტ სიგელისა და იარდენ ბიბასის გათავისუფლება იგეგმება.

ცნობისთვის, 19 იანვრიდან, ისრაელსა და „ჰამასს“ შორის ცეცხლის შეწყვეტის შეთანხმების ძალაში შესვლის დღიდან, „ჰამასმა“ ისრაელს 15 მძევალი გადასცა, რის სანაცვლოდაც ისრაელმა ციხეებიდან ასობით პალესტინელი პატიმარი გაათავისუფლა.