„თავისუფლება რეჟიმის პატიმრებს“ - ამ ლოზუნგით ქუთაისში საპროტესტო აქცია მიმდინარეობს. აქციის მონაწილეები მსვლელობით ქუთაისის სააპელაციო სასამართლოსთან მივიდნენ.

როგორც შეკრებილები აცხადებენ, ისინი მოსამართლეების უსამართლო გადაწყვეტილებებს და ასევე ჟურნალისტ მზია ამაღლობელის საქმის წარმოებაში არ მიღებას აპროტესტებენ.

მათი თქმით, დაუყოვნებლივ უნდა გათავისუფლდნენ დაკავებული პირები.

სხვადასხვა სფეროს წარმომადგენლები აქციების დროს დაკავებული ადამიანების გათავისუფლებას და ხელახალ არჩევნებს ითხოვენ.