რუსეთის მიერ ქალაქ ოდესის ისტორიული ცენტრის დაბომბვის შედეგად, 7 ადამიანი დაშავდა, - ამის შესახებ ინფორმაციას უკრაინული მედია ოდესის საოლქო-სამხედრო ადმინისტრაციის ხელმძღვანელზე, ოლეგ კიპერზე დაყრდნობით ავრცელებს.

ოლეგ კიპერის ცნობით, რუსეთის სარაკეტო დარტყმის შედეგად, „იუნესკოს“ მიერ მსოფლიო მემკვიდრეობის სიაში შეყვანილი ქალაქ ოდესის ცენტრში, სასტუმრო „ბრისტოლი“, ასევე საცხოვრებელი სახლები და შენობები დაზიანდა.

გავრცელებული ინფორმაციით, რუსულმა ძალებმა თავდასხმა „ისკანდერის“ ტიპის ბალისტიკური რაკეტით განახორციელეს.

უკრაინის პრეზიდენტმა, ვოლოდიმირ ზელენსკიმ რუსეთის თავდასხმას წინასწარგანზრახული უწოდა და აღნიშნა, რომ სარაკეტო დარტყმის ეპიცენტრში ნორვეგიელი დიპლომატები იმყოფებოდნენ.