დონალდ ტრამპი ბენიამინ ნეთანიაჰუს 4 თებერვალს შეხვდება
დონალდ ტრამპი ბენიამინ ნეთანიაჰუს 4 თებერვალს შეხვდება, - ამის შესახებ თეთრი სახლის პრესსპიკერმა, კეროლაინ ლივიტმა ჟურნალისტებს განუცხადა.
„პრემიერ-მინისტრი ნეთანიაჰუ სამუშაო ვიზიტის ფარგლებში პრეზიდენტ ტრამპთან შეხვედრის მიზნით, აქ სამშაბათს, 4 თებერვალს იქნება“, - განაცხადა თეთრი სახლის პრესსპიკერმა.
აშშ-ის პრეზიდენტის, დონალდ ტრამპისა და ისრაელის პრემიერ-მინისტრის, ბენიამინ ნეთანიაჰუს შეხვედრა ისრაელის პრემიერ-მინისტრის ოფისმაც დაადასტურა და აღნიშნა, რომ ბენიამინ ნეთანიაჰუ პირველი უცხოელი ლიდერია, რომელმაც თეთრ სახლში შეხვედრის შესახებ დონალდ ტრამპისგან მიწვევა მიიღო.
ამასთან, დონალდ ტრამპის განცხადებით, მომავალ კვირას თეთრ სახლში იაპონიის პრემიერ-მინისტრს, შიგერუ იშიბასაც შეხვდება.
