ბათუმში, აჭარის მთავრობის სახლის მიმდებარე ტერიტორიაზე დამატებითი საპოლიციო ძალები გამოჩნდნენ.

სამართალდამცავების ნაწილი, ავტობუსში და მსუბუქ ავტომობილებში იმყოფებიან.

საპროტესტო აქციაზე მყოფი მოქალაქეები ამბობენ, რომ ხელისუფლება ცდილობს, აღნიშნული ფორმით მოქალაქეები დააშინოს, რათა პროტესტი შეწყდეს.

“ჩვენ მშვიდობიანი პროტესტი გვაქვს, არ ვარღვევთ კანონს. მოთხოვნებიც შესაბამისად მათთვის კარგად ნაცნობია. არ დავიშლებით, არავის არ გვეშინია”, აცხადებენ აქციის მონაწილეები.