უკრაინის ქალაქ პოლტავაში საცხოვრებელ კორპუსზე განხორციელებული დარტყმის შედეგად დაღუპულთა რაოდენობა 12-მდე გაიზარდა, მათ შორის ორი ბავშვია, - ინფორმაციას უკრაინული მედია ქვეყნის საგანგებო სიტუაციების სახელმწიფო სამსახურზე დაყრდნობით ავრცელებს.

მაშველების ინფორმაციით, ამ დროისთვის ცნობილია 17 დაშავებულის შესახებ. დაშავებულებს შორის 4 ბავშვია. სამაშველო სამუშაოები გრძელდება.

შეგახსენებთ, რუსულმა ძალებმა გუშინ პოლტავაში საცხოვრებელ კორპუსს დაარტყეს. პოლტავას საქალაქო თემში სამდღიანი გლოვაა გამოცხადებული.