ქუთაისში, ჟურნალისტებმა სოლიდარობის აქცია გამართეს.

მედიის წარმომადგენლები დაკავებული ჟურნალისტისა და სამოქალაქო აქტივისტის მირიან ბერულავას მხარდასაჭერად შეიკრიბნენ.

მათი თქმით, მათი კოლეგა უსამართლოდაა დაკავებული და მოითხოვენ, მის დაუყოვნებლივ გათავისუფლებას.

"არ ვენდობი სისტემას"- ამ სიტყვების გამოა დაკავებული, რაც წარმოუდგენელია. ათი ათასობით ადამიანი დგას ქუჩაში, სწორედ იმიტომ, რომ არ ენდობა სისტემას. მირიან ბერულავა არის წესიერი ადამიანი, არ გვჯერა, რომ პოლიციელებს შეურაცხყოფა მიაყენა. ამიტომ შევიკრიბეთ, რომ სოლიდარობა გამოვუცხადოთ მირიანს და ყველა პატიმარს", -აცხადებენ ჟურნალისტები.