ჩვენ აშშ-ის ერთი-ერთი ყველაზე მნიშვნელოვანი მოკავშირე ვართ, - ამის შესახებ დანიის პრემიერ-მინისტრმა, მეტე ფრედერიქსენმა განაცხადა.

„ჩვენ ამერიკელების მხარდამხარ მრავალი ათწლეულის განმავლობაში ვიბრძოდით. ჩვენ აშშ-ის ერთი-ერთი ყველაზე მნიშვნელოვანი და საუკეთესო მოკავშირე ვართ და ამიტომ, არ მინდა, რომ დანიას ცუდი მოკავშირე უწოდონ“, - განაცხადა მეტე ფრედერიქსენმა.

შეგახსენებთ, აშშ-ის პრეზიდენტმა, დონალდ ტრამპმა არაერთხელ განაცხადა, რომ დანიის ავტონომიური ტერიტორიის, გრენლანდიაზე კონტროლის მოპოვება აშშ-ის უსაფრთხოებისთვის მნიშვნელოვანია.

ამასთან, აშშ-ის ვიცე-პრეზიდენტმა, ჯეი დი ვენსმა Fox News-თან ინტერვიუში აღნიშნა, რომ დანია კარგი მოკავშირე არ არის.

„გულწრფელად რომ ვთქვათ, დანია, რომელიც გრენლანდიას აკონტროლებს, თავის საქმეს არ აკეთებს და კარგი მოკავშირე არ არის“, - აღნიშნა ვენსმა.