პრეზიდენტ ტრამპთან კარგი საუბარი მქონდა, ტარიფები ერთი თვით შეჩერებულია, - ამის შესახებ მექსიკის პრეზიდენტი, კლაუდია შეინბაუმი X-ზე წერს.

„ჩვენ რამდენიმე შეთანხმებას მივაღწიეთ: მექსიკა ჩრდილოეთის საზღვარს ეროვნული გვარდიის 10 000 ჯარისკაცით გაამაგრებს, რათა მექსიკიდან აშშ-ში ნარკოტიკების კონტრაბანდა, განსაკუთრებით ფენტანილი, შეაჩეროს“, - წერს კლაუდია შეინბაუმი.

მისი თქმით, აშშ მექსიკაში იარაღის კონტრაბანდის აღსაკვეთად იმუშავებს.

„დღეს ჩვენი გუნდები მუშაობას ორ სფეროში დაიწყებენ: უსაფრთხოება და ვაჭრობა“, - აღნიშნავს მექსიკის პრეზიდენტი.

ცნობისთვის, აშშ-ის პრეზიდენტის, დონალდ ტრამპის მიერ კანადიდან და მექსიკიდან იმპორტზე დაწესებული ტარიფები ძალაში ადგილობრივი დროით 12:01 საათზე, (თბილისის დროით სამშაბათი, 09:01 საათი) უნდა შესულიყო.