ლევან გოგიჩაიშვილი - 20 დღის შემდეგ ყოველი დღე უფრო მძიმეა, ვთხოვ შეწყვიტოს შიმშილობა, მხოლოდ და მხოლოდ იმიტომ, რომ მზია ამაღლობელი ცოცხალი სჭირდება ქვეყანას - გამოუსწორებელ შედეგებამდე შეიძლება მივიდეთ

20 დღის შემდეგ ყოველი დღე უფრო მძიმეა. ურთულესი პროცესია და ვთხოვ შეწყვიტოს შიმშილობა, მხოლოდ და მხოლოდ იმის გამო, რომ ეს ადამიანი ცოცხალი სჭირდება ამ ქვეყანას, გამოუსწორებელ შედეგებამდე შეიძლება მივიდეთ, - ამის შესახებ პარტია „გახარია საქართველოსთვის“ წევრმა ლევან გოგიჩაიშვილმა, პარლამენტთან, „ნეტგაზეთის“ დამფუძნებლის, მზია ამაღლობელის გათავისუფლების მოთხოვნით, მიმდინარე საპროტესტო აქციაზე განაცხადა.

ასევე ლევან გოგიჩაიშვილი, ქვეყანაში მიმდინარე უწყვეტ საპროტესტო აქციებსაც გამოეხმაურა და პოლიტიკური კრიზისის განმუხტვის მიზნით, „ქართულ ოცნებას“ ახალი არჩევნების ჩატარებისკენ მოუწოდა.

მისივე შეფასებით, ხელახალი არჩევნების ჩატარების შემთხვევაში ხელისუფლება, იმავე სქემას, რომელიც 2024 წლის 26 ოქტომბრის საპარლამენტო არჩევნებში გამოიყენა, ვეღარ გამოიყენებს.

„პროტესტს რაც შეეხება, პროცესი გრძელდება. დღეიდან დაიწყო პარლამენტმა მუშაობა, ჩვენ არ შევდივართ პარლამენტში და ლეგიტიმაციას [პარლამენტს] არ ვაძლევთ. გავაკეთეთ ყველაფერი როგორც ქვეყნის შიგნით, ისე გარეთ, რომ არ ყოფილიყო ამ პარლამენტისთვის ლეგიტიმაციის ცნობა. ქვეყნის შიგნით 69-ე დღეა პროტესტი მიმდინარეობს. ამიტომ ხელისუფლებას ვეუბნები, თქვენივე ლოგიკით დანიშნეთ არჩევნები. თქვენ თუ ამბობთ, რომ თქვენს ელექტორალურ ხმებს ძვრა არ აქვს, რა პრობლემაა, დანიშნეთ არჩევნები და ვნახოთ. არჩევნები რამდენიმე ათეული მილიონი ლარი ჯდება, საშემოსავლო გადასახადი კი რამდენიმე მილიარდი, რომლის უმეტესს წილსაც ოპოზიციურ ამომრჩეველზე მოდის, ჩვენ თანახმა ვართ, ჩვენი გადასახადით ჩატარდეს არჩევნები. არჩევნების ჩატარებისთვის საჭირო თანხას, ყოველთვიურად იპარავს მერიის ბიუროკრატია, მაგრამ იმიტომ არ ნიშნავენ, რომ იმავე სქემას ვეღარ დაატრიალებენ. ჩვენ არ ვდავობთ, რომ „ქართულ ოცნებას“ ამომრჩეველი არ ჰყავს, მათ 600 000 ადამიანი უჭერს მხარს, მაგრამ არა მილიონ ასი ათასი. „ქართულმა ოცნებამ“ ჩვენს პარტიაზე - „გახარია - საქართველოსთვის“ - ხმა აიღო, მაგრამ 53% არ აუღია. „ქართულ ოცნებას“ არ აქვს უფლება პარლამენტში 89 დეპუტატი ჰყავდეს, მაგდენი ხმა არ აუღიათ“,- განაცხადა ლევან გოგიჩაიშვილმა.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 13.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს