რუსებმა ხარკოვის ოლქის ქალაქ იუზმს დაარტყეს, არის მსხვერპლი, - ამის შესახებ ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

„მტერმა იზიუმს დაარტყა. ამ ადგილას სამხედრო ობიექტი არ არის. ყველა შესაბამისი სამსახური ადგილზეა. წინასწარი მონაცემებით, ოკუპანტებმა ბალისტიკური რაკეტა გამოიყენეს“, - აცხადებს ოლეგ სინეგუბოვი.

სინეგუბოვის ცნობით, რუსული ძალების მიერ იზიუმის ცენტრალურ ნაწილში განხორციელებული სარაკეტო დარტყმის შედეგად, სულ მცირე, 5 ადამიანი დაიღუპა და 25 დაშავდა.