ღაზას სექტორის კონტროლის შესახებ ტრამპის კომენტარები სასაცილო და აბსურდულია, - ამის შესახებ „ჰამასის“ ოფიციალურმა წარმომადგენელმა, სამი აბუ ზუჰრიმ განაცხადა.

„ტრამპის კომენტარები ღაზას სექტორის კონტროლზე მისი სურვილის შესახებ სასაცილო და აბსურდულია და მსგავს იდეებს რეგიონის აფეთქების გამოწვევა შეუძლია“, - განაცხადა აბუ ზუჰრიმ.

აშშ-ის პრეზიდენტმა, დონალდ ტრამპმა ისრაელის პრემიერ-მინისტრთან, ბენიამინ ნეთანიაჰუსთან ერთად გამართულ პრესკონფერენციაზე განაცხადა, რომ „აშშ ღაზას საკუთარი კონტროლის ქვეშ მოაქცევს“.

მისი თქმით, პალესტინელი ხალხის ეგვიპტესა და იორდანიაში გადასახლება უნდა მოხდეს.

კითხვაზე, თუ ვინ იცხოვრებს საბოლოოდ ღაზაში, როდესაც მას აღადგენენ, დონალდ ტრამპმა განაცხადა, რომ ეს საერთაშორისო ადგილი უნდა იყოს.

„ჩემი წარმოდგენით, იქ იცხოვრებს მსოფლიოს ხალხი“, - განაცხადა აშშ-ის პრეზიდენტმა და დასძინა, რომ მოსახლეობა უნდა იყოს წარმოდგენილი მთელი მსოფლიოდან.

ტრამპის თქმით, ღაზას სექტორი „ახლო აღმოსავლეთის რივიერა“ გახდება.