საია-ს ინფორმაციით, მზია ამაღლობელს კლინიკაში დარჩენა არ სურს და მის პენიტენციურ დაწესებულებაში დაუყოვნებლივ გადაყვანას მოითხოვს

„საქართველოს ახალგაზრდა იურისტთა ასოციაციის“ ინფორმაციით, „ბათუმელების“დამფუძნებელ მზია ამაღლობელს კლინიკაში დარჩენა არ სურს და მის პენიტენციურ დაწესებულებაში დაუყოვნებლივ გადაყვანას მოითხოვს. ამის შესახებ ჟურნალისტებს საია-ს იურისტმა, ჯუბა ქათამაძემ „ვივამედში“ მზია ამაღლობელის მონახულების შემდეგ განუცხადა.

„მისი ჯანმრთელობის მდგომარეობა სტაბილურია. რა თქმა უნდა, შესუსტებულია. იცით, რომ აქვს ჯანმრთელობის გარკვეული პრობლემები, თუმცა მხნედ გრძნობს თავს. ბრძოლას აგრძელებს, რითაც შეუძლია. ხილულად, რაც ვნახე, რაიმე განსაკუთრებული პრობლემა არ აქვს. აცხადებს, რომ შიმშილობს ყველა პოლიტიკური პატიმრისთვის. მისი თხოვნაა, რომ მისი სოლიდარობის მიზნით ვინც შიმშილობს, შეწყვიტოს შიმშილობა. ის ცინიკური განცხადებები, რაც მმართველი გუნდის მხრიდან ისმის მზიას შიმშილობაზე, უფრო ძალის მიმცემია მისთვის, რომ შიმშილობა გააგრძელოს. ჩვენ ვთხოვეთ შეწყვიტოს, თუმცა გვიწევს პატივი ვცეთ მის გადაწყვეტილებას.

თავად დღეს მოითხოვა, რომ დაუყოვნებლივ იყოს გადაყვანილი პენიტენციურ დაწესებულებაში. აქ დარჩენა არ უნდა. როგორც ზურა ჩხაიძემ მითხრა, დღეს დამატებითი კვლევები უნდა ჩაუტარდეს, შემდეგ გადაწყდება გადაყვანის საკითხი. მზიად უკან დაბრუნება უნდა“, - აღნიშნა საია-ს იურისტმა.

ამასთან, ჯუბა ქათამაძის თქმით, ანალიზებში ამ დროისთვის „რაიმე განსაკუთრებული პრობლემები არ არის“.

„ვივამედში“ გარკვეულის სახის კვლევები ჩაუტარდა. ექიმებს შევხვდი. როგორც მითხრეს, ჯერ რაიმე განსაკუთრებული პრობლემები არ არის ანალიზებში. დოკუმენტაციას გადავამოწმებთ სხვა ექიმებთან“, - აღნიშნა იურისტმა.

გარდა ამისა, მისივე ინფორმაციით, მზია ამაღლობელს საია-ს მიერ დაკომპლექტებული ექიმთა ჯგუფი რამდენიმე დღეში ინახულებს.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 13.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს