უკრაინისა და რუსეთის საკითხებში დონალდ ტრამპის სპეციალური წარმომადგენელი მიუნხენის უსაფრთხოების კონფერენციაში მონაწილეობას მიიღებს, - ამის შესახებ ინფორმაციას კიტ კელოგი სოციალურ პლატფორმა X-ზე ავრცელებს.

„როგორც პრეზიდენტის სპეციალური წარმომადგენელი უკრაინისა და რუსეთის საკითხებში, მოუთმენლად ველი ვისაუბრო დონალდ ტრამპის მიზანზე - უკრაინაში სისხლიანი ომის დასრულების შესახებ. ამერიკის მოკავშირეებს შევხვდები, რომლებიც ჩვენთან მუშაობისთვის მზად არიან“, - წერს დონალდ ტრამპის სპეციალური წარმომადგენელი, კიტ კელოგი.

გუშინ ცნობილი გახდა, რომ 14-16 თებერვალს გასამართ მიუნხენის უსაფრთხოების კონფერენციაში მონაწილეობას აშშ-ის ვიცე-პრეზიდენტი, ჯეი დი ვენსიც მიიღებს.