„დემოკრატი“ კონგრესმენი დონალდ ტრამპის იმპიჩმენტის საკითხის დაყენებას გეგმავს
ამერიკელი “დემოკრატი” კონგრესმენი ალ გრინი პრეზიდენტ დონალდ ტრამპის იმპიჩმენტის საკითხის დაყენებას გეგმავს, - ინფორმაციას გამოცემა Axios-ი ავრცელებს.
წარმომადგენელთა პალატაში სიტყვით გამოსვლისას გრინმა დონალდ ტრამპი ღაზას სექტორთან დაკავშირებით გაკეთებული განცხადების გამო გააკრიტიკა.
“ღაზაში ეთნიკური წმენდა არ არის ხუმრობა, განსაკუთრებით მაშინ, როდესაც ის შეერთებული შტატების პრეზიდენტისგან მოდის. ვაცხადებ, რომ პრეზიდენტის წინააღმდეგ იმპიჩმენტისკენ სვლა დაიწყო. ვაცხადებ, რომ პრეზიდენტის წინააღმდეგ იმპიჩმენტის მუხლებს წარვადგენ შემოთავაზებული და განხორციელებული ვერაგი საქმეების გამო”, - აღნიშნა კონგრესმენმა.
Axios-ი წერს, რომ ტრამპის იმპიჩმენტის მცდელობა, თითქმის დანამდვილებით, წარუმატებელი იქნება.
