აშშ-ის პრეზიდენტის, დონალდ ტრამპის მრჩეველმა ეროვნული უსაფრთხოების საკითხებში, მაიკ უოლცმა დონალდ ტრამპსა და რუსეთის პრეზიდენტ ვლადიმერ პუტინს შორის სატელეფონო საუბრის დეტალები არ დააკონკრეტა, მაგრამ განაცხადა, რომ აშშ-ის პრეზიდენტი მხარს უჭერს უკრაინაში ომის დასრულებას, - ინფორმაციას CBS News-ი ავრცელებს.

ამასთან, მისი თქმით ტრამპი შეეცდება, უკრაინას სამხედრო დახმარების ხარჯები უკრაინასთან მის იშვიათ მინერალებზე, ბუნებრივ რესურსებზე, მათ ნავთობსა და გაზზე პარტნიორობით დაფაროს.

მაიკ უოლცმა ასევე განაცხადა, რომ ომის შემდეგ უკრაინის უსაფრთხოების გარანტიებით უზრუნველყოფა ევროპამ უნდა იკისროს.

„ომის დასრულების შემდეგ, ევროპულ ქვეყნებს მოუწევთ დაეუფლონ ამ კონფლიქტს. უსაფრთხოების გარანტიების თვალსაზრისით, ის ნამდვილად ევროპელებთან იქნება“, - აღნიშნა უოლცმა.