პეტრე ცისკარიშვილი - USAID-ის ფულის დაახლოებით 95%-ს რომ საქართველოს ხელისუფლება იყენებდა, ამის მაგალითია თუნდაც მართლმსაჯულების ე.წ რეფორმა, რომელიც ბოლო 10-12 წლის განმავლობაში განხორციელდა

USAID-ის ფულის აბსოლუტურ უმრავლესობას, დაახლოებით 95%-ს რომ საქართველოს ხელისუფლება იყენებდა, ამის მაგალითი არის თუნდაც მართლმსაჯულების ე.წ რეფორმა, რომელიც ბოლო 10-12 წლის განმავლობაში განხორციელდა, - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, პეტრე ცისკარიშვილმა ჟურნალისტებთან საუბრისას განაცხადა.

მისი თქმით, იმის მაგივრად, რომ შედგენილიყო დამოუკიდებელი და პოლიტიკური ზეგავლენებისგან თავისუფალი სასამართლო სისტემა, „მივიღეთ ბიძინა ივანიშვილზე ჩამოკიდებული სისტემა“.

„თქვენ რუბიოს განცხადებებს დიდად ყურადღებას ნუ მიაქცევთ. როგორმე ამერიკის შიდა პოლიტიკურ საკითხებში რესპუბლიკელები და დემოკრატები ერთმანეთში ჩამოყალიბდებიან და USAID-ის, ისევე როგორც ყველა სხვა დონორის დაფინანსება ამერიკის ეროვნულ ინტერესებს მოემსახურება. USAID-ის ფულის აბსოლუტურ უმრავლესობას, დაახლოებით 95%-ს რომ საქართველოს ხელისუფლება იყენებდა, ამის მაგალითი არის თუნდაც მართლმსაჯულების ე.წ რეფორმა, რომელიც ბოლო 10-12 წლის განმავლობაში განხორციელდა. იმის მაგივრად, რომ შედგენილიყო დამოუკიდებელი და პოლიტიკური ზეგავლენებისგან თავისუფალი სასამართლო სისტემა, მივიღეთ ბიძინა ივანიშვილზე ჩამოკიდებული სისტემა. ასეთი რაღაცები ნამდვილად არ უნდა დაფინანსდეს დონორების ფულით“, - განაცხადა პეტრე ცისკარიშვილმა.