მიმდინარე კვირაში დონალდ ტრამპის გუნდის წარმომადგენლები უკრაინას ეწვევიან, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„ძალიან ბევრს ვიმუშავებთ. მიმდინარე კვირაში პრეზიდენტ ტრამპის გუნდიდან უკრაინაში რამდენიმე ადამიანი ჩამოვა და ჩემს გუნდთან ცალკეული შეხვედრები, საუბრები იქნება“, - განაცხადა ვოლოდიმირ ზელენსკიმ.

მისი თქმით, მიუნხენის უსაფრთხოების კონფერენციაზე „უამრავი შეხვედრა ექნება, მათ შორის, აშშ-ის ვიცე-პრეზიდენტთან, ჯეი დი ვენსთან“.

ცნობისთვის, მიუნხენის უსაფრთხოების კონფერენცია 14-16 თებერვალს გაიმართება.