ვენესუელამ აშშ-დან დეპორტირებული მიგრანტების ორი თვითმფრინავი მიიღო, - ამის შესახებ ინფორმაციას სააგენტო France 24 ავრცელებს.

„ვენესუელა ყოველთვის ნათლად აცხადებდა, რომ ვენესუელელთა ნებისმიერი გადმოცემა უნდა განხორციელდეს მათი ღირსებისა და ადამიანის უფლებების აბსოლუტური პატივისცემით“, - ნათქვამია ვენესუელის საგარეო საქმეთა სამინისტროს განცხადებაში.

გავრცელებული ინფორმაციით, აშშ-მ 190-მდე ვენესუელელის დეპორტაცია განახორციელა.

ცნობისთვის, აშშ-მა და ვენესუელამ აშშ-დან დეპორტირებული ვენესუელის მოქალაქეების სამშობლოში დაბრუნების შესახებ შეთანხმებას გასულ თვეში მიაღწიეს.