დონალდ ტრამპის მუქარა საქმეს კიდევ უფრო ართულებს, - ამის შესახებ „ჰამასის“ წარმომადგენელმა, სამი აბუ ზუჰრიმ განაცხადა.

„ტრამპს უნდა ახსოვდეს, რომ შეთანხმება არსებობს, რომელსაც პატივი ორივე მხარემ უნდა სცეს და ეს პატიმრების (მძევლების) დაბრუნების ერთადერთი გზაა. მუქარის ენას აზრი არ აქვს და ეს საქმეს კიდევ უფრო ართულებს“, - განაცხადა სამი აბუ ზუჰრიმ.

შეგახსენებთ, „ჰამასმა“ გუშინ ისრაელი ცეცხლის შეწყვეტის პირობების დარღვევაში დაადანაშაულა და განაცხადა, რომ მძევლებისა და პატიმრების მომდევნო გაცვლა განუსაზღვრელი ვადით გადაიდო.

აშშ-ის პრეზიდენტი, დონალდ ტრამპი „ჰამასს“ დაემუქრა და ისრაელს ცეცხლის შეწყვეტის გაუქმებისკენ მოუწოდა, იმ შემთხვევაში, თუ „ჰამასი“ ღაზაში დარჩენილ მძევლებს შაბათს არ გაათავისუფლებს.