აშშ-ის პრეზიდენტმა, დონალდ ტრამპმა იორდანიის მეფე აბდულას მოუწოდა, მისმა ქვეყანამ ღაზას სექტორიდან იძულებით გადაადგილებული პალესტინელები მიიღოს, - ინფორმაციას The Guardian-ი ავრცელებს.

თეთრ სახლში გამართულ შეხვედრაზე ტრამპმა აღნიშნა, რომ არ შეიცლის აზრს იმასთან დაკავშირებით, რომ ღაზას სექტორი მისმა მაცხოვრებლებმა უნდა დატოვონ, ტერიტორია უნდა აღდგეს და „ახლო აღმოსავლეთის რივიერად“ იქცეს.

„ჩვენ ვაპირებთ მის აღებას. ვაპირებთ, საბოლოოდ მივაღწიოთ, რომ იქ შეიქმნას ბევრი სამუშაო ადგილი ახლო აღმოსავლელი ხალხისთვის“, - განაცხადა ტრამპმა და დასძინა, რომ მისი გეგმა რეგიონს მშვიდობას მოუტანს.

მეფე აბდულამ მოგვიანებით სოციალურ ქსელში დაწერა, რომ დონალდ ტრამპთან შეხვედრაზე პალესტინელების გადაადგილების წინააღმდეგ იორდანიის მტკიცე პოზიცია დაადასტურა.

„ეს არის არაბული სამყაროს ერთიანი პოზიცია. ღაზას აღდგენა პალესტინელების გადაადგილების გარეშე და მძიმე ჰუმანიტარული სიტუაციის მოგვარება ყველასთვის პრიორიტეტი უნდა იყოს“, - აღნიშნა იორდანიის მეფემ.