უკრაინის პრეზიდენტ ვოლოდიმირ ზელენსკისა და აშშ-ის ვიცე-პრეზიდენტ ჯეი დი ვენსს შორის შეხვედრა, რომელიც 14 თებერვალს მიუნხენის უსაფრთხოების კონფერენციის ფარგლებში უნდა გამართულიყო, გადაიდო, - ინფორმაციას უკრაინული მედია რამდენიმე წყაროზე დაყრდნობით ავრცელებს.

წყაროების ცნობით, საუბარია შეხვედრის მოგვიანებით გამართვაზე და არა გაუქმებაზე.

ამასთან, უცნობია, გაიმართება თუ არა ზელენსკისა და აშშ-ის სახელმწიფო მდივანს, მარკო რუბიოს შორის დღეს დაგეგმილი შეხვედრა, მას შემდეგ რაც თვითმფრინავი, რომელშიც რუბიო იმყოფებოდა, ტექნიკური პრობლემის გამო, ვაშინგტონში დაბრუნდა. მოგვიანებით ცნობილი გახდა, რომ აშშ-ის სახელმწიფო მდივანი მიუნხენში სხვა თვითმფრინავით გაემგზავრა.