დღეს საქართველოს მე-5 პრეზიდენტი სალომე ზურაბიშვილი მიუნხენის უსაფრთხოების კონფერენციის ფარგლებში, ორმხრივ შეხვედრებს გამართავს და ლიეტუვისა და ლატვიის პრეზიდენტებს შეხვდება.

გავრცელებული ინფორმაციით, დღესვე გაიმართება პანელური დისკუსია „საქართველო ყურადღების ცენტრში“, სადაც პრეზიდენტი დისკუსიაზე დამსწრეთა შეკითხვებს უპასუხებს და ქვეყანაში არსებულ მდგომარეობასა და გამოწვევებზე ისაუბრებს.

დღესვე სალომე ზურაბიშვილი შეხვდება ევროპოლის აღმასრულებელ დირექტორს, კეტრინ დე ბოლს.