ასე შორს ვერ წავა, ნელ-ნელა იშლება და დაიშლება ძალიან სწრაფად, - ამის შესახებ მეხუთე პრეზიდენტის, სალომე ზურაბიშვილის ძმამ ოთარ ზურაბიშვილმა “ინტერპრესნიუსს” განუცხადა.
აღნიშნული განცხადება ოთარ ზურაბიშვილმა პარლამენტთან მიმდინარე აქციაზე გააკეთა, სადაც მე-80 დღეა ხალხი ახალი არჩევნების დანიშვნას და აქციებზე დაკავებულთა გათავისუფლებას ითხოვს.
“არავინ ელოდებოდა, რომ ასე დიდხანს გაგრძელდებოდა აქცია, პროტესტი, მაგრამ გაძლო და კიდევ გაუძლებს. დარწმუნებული ვარ, დიდხანს გაგრძელდება, სანამ არ მივიღებთ ახალ არჩევნებს, არ დაინიშნება ახალი არჩევნები და სანამ არ გამოუშვებენ სინდისის პატიმრებს.
ხალხი არ თმობს. ხელისუფლებას უნდა ძალაუფლება შეინარჩუნოს, მაგრამ ასე შორს ვერ წავა, ნელ-ნელა იშლება და დაიშლება ძალიან სწრაფად”, - განაცხადა ოთარ ზურაბიშვილმა.
