პარლამენტმა ცენტრალური საარჩევნო კომისიის წევრის თანამდებობაზე პარლამენტის თავმჯდომარის მიერ წარდგენილ კანდიდატურებს მხარი დაუჭირა. ამით ცესკო ე.წ. პროფესიული წევრებით სრულად დაკომპლექტდა.

გიორგი ძაგანია, გიორგი ჭიქაბერიძე, დიმიტრი ჯავახაძე და გიორგი ჯავახიშვილი, 18 თებერვლის პლენარულ სხდომაზე, უბრალო უმრავლესობით აირჩიეს.

მათი კანდიდატურები კენჭისყრაზე გასული კვირის სესიაზეც დადგა, თუმცა 90-ხმიანი კვორუმის არქონის გამო, ჩავარდა. დღეს კი, კენჭისყრის მეორე რაუნდი ჩატარდა, სადაც ცესკოს წევრების არჩევისთვის პარლამენტის სრული შემადგენლობის უმრავლესობა იყო საკმარისი.