„ქართული ოცნების“ გენერალური მდივნის, კახა კალაძის განცხადებით, საგამოძიებო კომისიის შექმნა, რომელიც „ერთიანი ნაციონალური მოძრაობის“ ხელისუფლებაში ყოფნის პერიოდში მომხდარ ფაქტებს გამოიძიებს, მნიშვნელოვანია.

კალაძეს მოლოდინი აქვს, რომ „საზოგადოება ბევრ რამეს გაიგებს“.

„საგამოძიებო კომისიის შექმნა მნიშვნელოვანია. ერთ-ერთ თემას გეტყვით: ჩვენ წინასაარჩევნოდ გვქონდა დაპირება, რომ ის ბოროტება, რომელიც ჩაიდინა „ნაციონალურმა მოძრაობამ“, თავისი უგუნური პოლიტიკით ქვეყანას დააკარგვინა ტერიტორიები, გვახსოვს, რამხელა უბედურება მოიტანა 2008 წლის ომმა, ეს ყველაფერი უნდა იყოს გამოძიებული. ყველა დამნაშავემ უნდა აგოს პასუხი იმ ღალატისთვის, რომელიც ჩაიდინა. ამიტომ ამ კომისიის შექმნა მნიშვნელოვანია და ბევრ რამეს გაიგებს საზოგადოება. ყველა კითხვას, რომელიც არსებობს ქვეყანაში და საზოგადოებაში, უნდა გაეცეს შესაბამისი პასუხი“, - განაცხადა კახა კალაძემ.