საუდის არაბეთში აშშ-სა და რუსეთის დელეგაციების შეხვედრა დასრულდა, - ამის შესახებ ინფორმაციას BBC-ი ავრცელებს.

ერ-რიადში, აშშ-ისა და რუსეთის დელეგაციებს შორის გამართული მოლაპარაკებები ოთხ საათზე მეტხანს გაგრძელდა.

რუსეთის პრეზიდენტის თანაშემწემ, იური უშაკოვმა მოლაპარაკებების დასრულების შემდეგ განაცხადა, რომ შეხვედრამ „საკმაოდ კარგად“ ჩაიარა.

„ძალიან სერიოზული საუბარი იყო ყველა იმ საკითხზე, რომლის წამოჭრაც გვინდოდა. შევთანხმდით, რომ ერთმანეთის ინტერესებს გავითვალისწინებთ. ამასთან, ჩვენ ორმხრივ ურთიერთობებს გავაძლიერებთ, რადგან ამით მოსკოვიც და ვაშინგტონიც დაინტერესებულები არიან“, - განაცხადა უშაკოვმა.