რუსთაველის გამზირზე პროტესტი გრძელდება. მოქალაქეებმა ადგილზე განლაგებული პოლიციის კორდონის მიუხედავად გზა გადაკეტეს.

აქციის მონაწილეებს “ქართული ოცნების” საპატიო თავმჯდომარის, ბიძინა ივანიშვილის დაბადების დღესთან დაკავშირებით, სიმბოლურად, შავი ბუშტები აქვთ მოტანილი.

როგორც მოქალაქეები აცხადებენ პროტესტი უნდა გაგრძელდეს, ასევე მნიშვნელოვანია “პარტნიორების მხრიდან მუდმივი წნეხი”.

“არ გავჩერდებით ბიძინა ივანიშვილის სურვილის მიუხედავად. დიდი აქციები წინ არის”,- აცხადებენ აქციის მონაწილეები.

მოქალაქეები 83-ე დღეა პროტესტის ნიშნად უწყვეტად გამოდიან ქუჩაში. მათი მთავარი მოთხოვნაა, ახალი არჩევნების დანიშვნა და აქციების დროს დაკავებულების გათავისუფლება.