„ოცნება“ სახიფათოა, ჩვენი კულტურული იდენტობის მტერია, - ამის შესახებ „გახარია საქართველოსთვის“ ლიდერმა, გიორგი გახარიამ განაცხადა, რითაც აეროპორტში საქართველოს მეხუთე პრეზიდენტზე, სალომე ზურაბიშვილზე განხორციელებულ თავდასხმას, კერძოდ, კვერცხების სროლის ფაქტს გამოეხმაურა.

გიორგი გახარიას თქმით, „ქართულ ოცნებას“ მსგავსი უღირსობების ჩადენისთვის ფასის გადახდა ყოველდღიურად მოუწევს.

„ის, რაც დღეს გააკეთა „ოცნებამ“, როდესაც სალომე ზურაბიშვილს შვილიშვილების ტოლი ადამიანები მიუქსია, ეს დავალება გასცეს, ეს ნიშნავს იმას, რომ საქართველოს თითოეული მოქალაქე ხედავს, „ოცნებას“ ღირსება არ აქვს, ადამიანის უფლებები არ აინტერესებს, დემოკრატია არ აინტერესებს, „ოცნება“ ჩვენი კულტურული იდენტობის მტერია, სახიფათოა. ჩვენ, ქართველები, ვართ იმ მდგომარეობაში, როდესაც ჩვენი კულტურული იდენტობა უნდა დავიცვათ „ოცნებისგან“, რომელიც დედისტოლა ქალს თავს ესხმის და შემდეგ ვიღაც პოლიტიკოსები, კაცები კი არა, პოლიტიკოსები, გამოდიან და ამას ამართლებენ. უნდა გვესმოდეს, რომ მსგავსი უღირსობების ჩადენის ფასის გადახდა ყოველდღე ხდება“, - განაცხადა გიორგი გახარიამ.