ევროპელი ლიდერების უმეტესობა მხარს უჭერს უკრაინის ნატო-ში გაწევრიანებას. თუმცა არის ქვეყნებიც, რომლებიც ამის წინააღმდეგი არიან, - თურქული მედიის ცნობით, ამის შესახებ უკრაინის პრეზიდენტმა, ვოლოდიმირ ზელენსკიმ თურქეთის პრეზიდენტ რეჯეფ თაიფ ერდოღანთან შეხვედრის შემდეგ განაცხადა.

მისი თქმით, უკრაინის ნატო-ში გაწევრიანებას უნგრეთი, სლოვაკეთი, გერმანია და ამერიკის შეერთებული შტატები ეწინააღმდეგებიან, თუმცა, ამ მოსაზრებების ჩამოყალიბებაში მნიშვნელოვან როლს აშშ-ის ფაქტორი თამაშობს.

„თუ ნატო არ არის ვარიანტი, რა უსაფრთხოების გარანტიებზეა საუბარი? – აღნიშნა ზელენსკიმ.

მისი თქმით, უკრაინას ძლიერი არმია ჰყავს. თუმცა მის მხარდასაჭერად მუდმივად საჭიროა ფული და იარაღი.