ბიზნესისა და ტექნოლოგიების უნივერსიტეტის საერთაშორისო უსაფრთხოებისა და ტექნოლოგიების სამაგისტრო პროგრამა რეგიონში უნიკალურია. ის სახელმწიფო უსაფრთხოების სამსახურის სასწავლო ცენტრის მხარდაჭერით შემუშავდა.

საერთაშორისო უსაფრთხოებისა და ტექნოლოგიების პროგრამა ამზადებს პროფესიონალებს, რომელთაც ეროვნული და საერთაშორისო უსაფრთხოების საკითხების, დაზვერვის, კიბერუსაფრთხოებისა და სხვა მომიჯნავე მიმართულებების გარშემო სისტემური ცოდნა აქვთ და თანამედროვე ტექნოლოგიურ ინსტრუმენტებს კარგად ფლობენ. პროგრამის სასწავლო კომპონენტებია: უსაფრთხოების გამოწვევები, საფრთხეები და თანამედროვე ტექნოლოგიები, კიბერუსაფრთხოება, დაზვერვა ომსა და მშვიდობაში, საერთაშორისო ურთიერთობები და პოლიტიკა, ეკონომიკური უსაფრთხოება, გეოპოლიტიკა, დაზვერვის როლი ქვეყნის თავდაცვისა და უსაფრთხოების სისტემაში, ღია წყაროების ტექნოლოგიები და მონაცემთა ანალიზი, ეროვნული უსაფრთხოების ფორმირების პრინციპები და სხვა.

აქვე გაგაცნობთ 5 საკითხს, რომელიც აღნიშნული სამაგისტრო პროგრამის შესახებ უნდა იცოდეთ:

• სამაგისტრო პროგრამა სასწავლო კომპონენტთან ერთად მოიცავს პრაქტიკულ და სამეცნიერო-კვლევით აქტივობებს, შემუშავებულია საუკეთესო საერთაშორისო გამოცდილების გათვალისწინებით და სრულად პასუხობს უსაფრთხოების სექტორის მოთხოვნებს;
• პროგრამის ფარგლებში დიდი დრო ეთმობა ტექნოლოგიების კომპონენტს, რაც დღეს უსაფრთხოების მიმართულებით შრომით ბაზარზე ერთ-ერთი ყველაზე მოთხოვნადია;
• BTU-ს საერთაშორისო უსაფრთხოებისა და ტექნოლოგიების პროგრამის სტუდენტებს შესაძლებლობა აქვთ მეორე აკადემიური წელი იტალიაში, ტუშას უნივერსიტეტში გაატარონ და ერთდროულად ორი უნივერსიტეტის დიპლომი მოიპოვონ.
• სახელმწიფო უსაფრთხოების სამსახურის სასწავლო ცენტრთან ერთად პროგრამის ადგილობრივ პარტნიორებსა და დამსაქმებლებს შორის არის: საქართველოს პარლამენტის კვლევითი ცენტრი, საქართველოს თავდაცვის სამინისტრო, შინაგან საქმეთა სამინისტრო, პერსონალურ მონაცემთა დაცვის სამსახური, კიბერუსაფრთხოების ბიურო, საქართველოს ეროვნული ბანკი, ციფრული მმართველობის სააგენტო და სხვა;
• სამაგისტრო პროგრამას მიღებული აქვს მაღალი რანგის საერთაშორისო გამოხმაურება საერთაშორისო ექსპერტების და აკადემიური წრეების მხრიდან: გენერალი ჯოვანი მარიცა (იტალია), პროფესორი აზარ გატი (თელ ავივის უნივერსიტეტი, ისრაელი), დოქტორი ტალ პაველი (კიბერუსაფრთხოების პოლიტიკის ინსტიტუტის დამფუძნებელი, ისრაელი) და სხვა.

პროგრამის ღირებულება 2250 ლარია, ჩაბარება კი ერთიანი სამაგისტრო გამოცდების საშუალებით ხდება.

პროგრამით დაინტერესებულმა პირებმა შეავსეთ დაინტერესების ფორმა.

(R)