საავტომობილო გზების დეპარტამენტი - რიკოთის მონაკვეთზე ზვავი ჩამოწვა, დაზიანდა 4 ავტომანქანა - შემთხვევის შედეგად არავინ დაშავებულა
რიკოთის მონაკვეთის 141-ე კმ-ზე ზვავი ჩამოწვა, რის შედეგადაც 4 ავტომანქანა დაზიანდა. შემთხვევის შედეგად არავინ დაშავებულა. ამის შესახებ ინფორმაციას საავტომობილო გზების დეპარტამენტი ავრცელებს.
უწყების ცნობით, რიკოთის მონაკვეთის 141-ე კმ-ზე ჩამოწოლილი ზვავის გამო მოძრაობა დროებით შეფერხებულია.
"ჩამოწოლილი ზვავის გამო, აღნიშნულ მონაკვეთზე ავტოტრანსპორტის მოძრაობა შეფერხებით მიმდინარეობს.
ადგილზე მობილიზებულია სპეციალური ტექნიკა და მიმდინარეობს გზის წმენდის სამუშაოები. სამუშაოების დასრულებისთანავე, ავტოტრანსპორტის მოძრაობა სრულად აღდგება", - აღნიშნულია ინფორმაციაში.
