ბათუმის საერთაშორისო აეროპორტში ავიამიმოსვლა განახლდა. როგორც აეროპორტის წარმომადგენელმა “ინტერპრესნიუსთან” საუბრისას განაცხადა, ამ წუთებში თელ-ავივის მიმართულებით თვითმფრინავში ჩასხდომა მიმდინარეობს.

მისივე თქმით, ბათუმის საერთაშორისო აეროპორტში დღეს 12 ავიარეისია დაგეგმილი.

“ბათუმის საერთაშორისო აეროპორტში, ბათუმი-თელ-ავივის მიმართულებით, ჩასხდომა მიმდინარეობს, სავარაუდოდ, დღეს სრულად უნდა განახლდეს ფრენები. ძირითადად, გვაქვს ბათუმი-თელ-ავივი, ბათუმი-სტამბულის მიმართულებით ავიარეისები. დღის განმავლობაში 12 ავიარეისია დაგეგმილი, იმედია, სრულად განახლდება”,- აცხადებენ ბათუმის საერთაშორისო აეროპორტში.